Менаџерот на Нотингем: Бод против Челзи беше најмалку што го заслуживме

Менаџерот на Нотингем Форест, Стив Купер не го криеше своето разочарување од залудно потрошените шанси на неговиот тим против Челзи во осминафиналето во Премиер лигата, кое на крајот заврши 1-1 на Сити Граунд.

Домаќините имаа повеќе шанси и само добрите интервенции на Кепа Аризабалага им ги одземаа трите бода.

По натпреварот Купер коментираше: „Мораме да бидеме задоволни бидејќи бевме подобриот тим. Требаше да победиме, но не. Ќе ги научиме нашите лекции. Се обидуваме да победиме на секој натпревар овде, но мораме да и оддадеме признание на противникот кој има класа играчи во сите линии. Имаа среќа со голот. Топката се одби од стативата и можеше да замине каде било, но падна кај Рахим. Во вториот дел бевме поагресивни и ги добивме повеќето дуели. Генерално, мислам дека бевме подобриот тим. Уште во првото полувреме имавме подобри позиции. Затоа поентата е најмалку што заслуживме“.