Милевски: Бобан Николов по коронавирусот, ќе биде подготвен за следен натпревар

Селекторот Благоја Милевски на прес конференција одржава по натпреварот рече дека Бобан Николов работи на посебна програма за подготовка откао беше позитивен на Ковид-19. Се надева дека за следниот натпревар тој ќе биде подготвен.

„Бобан Николов работи под посебна програма, покажа завиден професионализам во текот на овие подготовки. Тој се враќаше од коронавирус и од тој аспект го поштедивме од овие два натпревари, нели тој се вклучи во подготовките многу доцна, но одработни посебен вид на програма и мислам дека ќе биде во конкуренција за следен натпревар“, рече Милевски на прес конференцијата одржана по натпреварот Исланд-Македонија.

Македонија вечерва прокоцка одлична шанса за победа против Исланд, иако водевме 2-0, на крајот од натпреварот се случи пресврти па ремизиравме. Следниот натпревар Македонија го игра на домашен терен на 8-ми септември на Денот на независноста во Скопје против репрезентацијата на Романија.