МЗТ Скопје го преслуша Спарс

Кошаркарите на МЗТ Скопје се враќаат со победа од гостувањето во Сараево против Спарс со 75:71 во натпреварот од 11.коло во АБА 2 лигата.

Со овој втор триумф во серија, „металците“ со 19 бода се искачуваат на втората позиција на табелата зад лидерот КК Приморска со 22 бода.

Џејмс Вудард беше најефикасен  со 24 поени дополнети со пет скока, две асистенции и четири украдени топки, додека Иве Иванов запиша 19 поени, шест скока и две асистенции.