Кошарка
МЗТ Скопје не го дава „Јане Сандански“
Кошаркарите на МЗТ Скопје ја оправдаа фаворитската улога во дуелот против Сутјеска, откако во СЦ „Јане Сандански“ славеа со 94:73, во мечот од 10 коло од АБА 2 лигата.
„Металците“ остануваат несовладливи на домашен терен во АБА 2 лигата, запишувајќи ја седмата победа сезонава во ова натпреварување по која моментно се на втората позиција на табелата.
Најефикасен во победничкиот тим беше Бојиќ со 26 поени и седум скокови, додека Иве Иванов го заврши мечот со 21 коша. На спротивната страна Павличевиќ и Кнежевиќ запишаа по 19 поени.