Connect with us

Кошарка

Награда за нај корисен играч на „Ол Стар“ ќе ја носи името на Коби Брајант

Коби Брајант трагично го загуби животот во хеликоптерска несреќа на 26 јануари во Лос Анџелес.

Смртта на еден од најдобрите кошаркари на сите времиња го обвитка кошаркарскиот свет во црно, а во негова чест, како и во чест на неговата ќерка Џиана, која исто така го загуби животот, овогодинашните екипи на Ол Стар ќе ги носат нивните броеви 24 и 2.

Сепак, тоа не е сè. Комесарот на НБА-лигата, Адам Силвер, синоќа објави дека во иднина наградата за нај корисен играч на „Ол стар натпревар“ ќе го носи името на Коби Брајант.

Ова е секако најмалку што НБА-лигата би можело да го направи за легендата која самиот ја освои наградата МВП четири пати на натпревар на најдобрите играчи на лигата.

Коби и Џиана Брајант беа погребани пред девет дена во Лос Анџелес на приватна церемонија, а јавно проштално ќе се одржи на 24 февруари во Центарот „Стејплс“.