Нов се*с скандал во Ајакс: Играч обвинет за силување тинејџерка

Уште еден секс скандал за само неколку дена го погодува Ајакс.

Откако поранешниот спортски директор на холандските и европските великани Марк Овермарс испрати низа непримерни пораки до колега, сега еден играч на овој тим е обвинет дека силувал поранешна 19-годишна девојка.

Имено, таа тврди дека Дони Вармердам ја силувал пред шест месеци, а како доказ има фотографии и видеа. Таа веќе поднела пријава и го пријавила делото во полиција.

Инаку, Дони Вармердам е играч на вториот тим на Ајакс и игра на позицијата дефанзивен играч за врска. Тој е дете на Копљаник, а на 20 години би можел да се најде во голема неволја доколку обвиненијата се покажат како основани, а неговата ситуација неодоливо потсетува на онаа на Мејсон Гринвуд, многу попознат фудбалер на Манчестер Јунајтед.

Да потсетиме, по скандалот во кој се најде Марк Овермарс, тој поднесе оставка, а што ќе биде со Вармердам ќе видиме.

“Се срамам. Не сфатив дека ги поминав сите граници, но сега ми е јасно. Се извинувам. За некој на мојата позиција тоа е неприфатливо. Сега е доцна”, изјави Овермарс.

“Сексизмот е култура на Ајакс. Ако не прифаќаш одредени работи, си заминуваш многу брзо. Мораш да имаш тврда кожа во овој клуб”, рекол еден од вработените.