Њукасл постави клупски рекорд за серија без пораз во Премиер лигата

Њукасл ја продолжи серијата без пораз во Премиер лигата, која сега изнесува 14 натпревари. Избраниците на Еди Хау со 1-0 славеа на домашен терен од Фулам во 20. коло од англискиот шампионат.

Со тоа, Њукасл го израмни својот рекорд на последователни натпревари без пораз.

Оваа серија во моментов е најдобра меѓу сите тимови кои играат во топ 5 европските лиги.

Њукасл последен пат загуби во Премиер лигата на 31 август од Ливерпул (1:2). Оттогаш имаат 9 победи и 5 нерешени.