Овој човек е „мозокот“ на операцијата во измамата во НБА лигата

Американските медиуми денеска објавија дека 18 поранешни играчи на НБА биле уапсени поради измама поврзана со системот за здравствена и социјална заштита на најсилната кошаркарска лига во светот.

Поранешните играчи, меѓу кои има многу познати имиња на НБА лигата, доставија лажни медицински и стоматолошки извештаи со цел да добијат надомест за трошоците од лигата.

18 former NBA players have been arrested and charged federally for defrauding the NBA’s Health and Welfare Benefit Plan out of approximately $4M, per @Tom_Winter

(h/t @ByTimReynolds ) pic.twitter.com/JYabiqxM1p

— NBA Central (@TheNBACentral) October 7, 2021

НБА лигата им овозможи на играчите да имаат здравствена и социјална заштита по завршувањето на кариерата, а оваа група го искористи тоа за да заработи дополнителни пари.

Водач и креатор на комплетниот план за измама е поранешниот кошаркар на Хјустон Рокетс и Бруклин Нетс, Теренс Вилијамс.

Набавил лажни сметки за медицински услуги на своите поранешни колеги од паркетот, а тие му платиле одредени суми пари за тоа.

Вилијамс наплати најмалку 230.000 американски долари за услугите на уште десет други играчи, а играчите аплицираа за вкупна исплата од 3,9 милиони долари.

Од таа бројка, тие добија 2,5 милиони долари, но на крајот, целосната измама беше разоткриена и кошаркарите беа уапсени.

Вилијамс, кој беше избран од Нетс во 2009 година како 11 -ти пик на драфтот, имаше скромна кариера во најсилната лига во светот.

Покрај Нетс, играше за Рокетс, Кингс и Селтикс, но поголемиот дел од кариерата ја помина надвор од САД.