Пеле повторно е хоспитализиран

Трикратниот светски шампион со Бразил – Пеле, повторно е во болница. 81-годишниот поранешен фудбалер беше примен во медицинскиот центар Алберт Ајнштајн во Сао Паоло.

Оттаму побрзаа да уверат дека нема ништо загрижувачки за состојбата на Пеле и дека најверојатно ќе биде отпуштен за неколку дена.

Тој е во стабилна состојба“, се вели во соопштението.

Пеле беше примен во болница и опериран од тумор на дебелото црево во септември 2021 година. Интервенцијата беше успешна, но неколку дена по излегувањето тој повторно беше итно хоспитализиран поради респираторни проблеми.

Amigos, faz algum tempo que não falamos disso. Eu quero avisar que estou muito bem. Me sinto cada dia melhor. Acho que nem mesmo a máscara para minha proteção consegue esconder a minha felicidade. Muito obrigado a todos vocês, que me mandam boas energias diariamente. pic.twitter.com/0K0lJkFC1i

— Pelé (@Pele) November 17, 2021

Тогаш неговите роднини му рекле дека повторното примање во болница е повеќе превентивна мерка. По краткото лекување, тој се вратил дома и на социјалните мрежи им се заблагодарил на медицинските лица.

Пеле ќе продолжи со хемотерапијата на која се подложи поради отстранетиот тумор. Тој го прослави својот роденден на 23 октомври, а на социјалните мрежи сподели дека се чувствува „подобро и подобро“.