Пеп: Можеби ќе не натераат да играме до девет часот наутро

Менаџерот на Манчестер Сити, Хосеп Гвардиола, го изрази своето незадоволство од одлуката од новата сезона за натпреварите во Англија да оди во продолженија за да се компензира прекините и загубата на минутажа. Иновацијата веќе беше имплементирана на вчерашниот натпревар помеѓу Манчестер Сити и Арсенал за „Комјунити шилд“, во кој беа додадени осум минути продолжение, потоа продолжени на 13 минути, од кои во 11. Арсенал среќно го израмни резултатот и во крајот на сметката го освои трофејот по изведувањето пенали. Гвардиола предупреди дека секој натпревар сега ќе трае најмалку сто минути, што не е добро за играчите, кои и онака се многу зафатени поради големиот број на натпревари што треба да ги одиграат во текот на сезоната.

„Очигледно треба да се навикнеме. Моето чувство беше, не затоа што водевме со 1-0, дека ништо посебно не се случи да имаме осум минути продолжение. Ова е добро прашање за фудбалските менаџери бидејќи тие не се консултираат со тренерите и играчите за овие одлуки. Треба само да го прифатиме тоа, со толку многу натпревари што треба да ги играме. Сега натпреварите ќе бидат најмалку сто минути. Откако денеска не се случи ништо многу, туку имаше цели осум минути продолжение. Сега ќе додаваат и време за секој постигнат гол. Ако резултатот е 4:3, додаваме уште 45 секунди за седум гола, што значи дека утре во девет часот наутро ќе бидеме уште тука и ќе продолжиме да играме“, изјави Гвардиола на прес-конференцијата по натпреварот.