Пјастри по триумфот во Баку: Најдобриот успех во мојата кариера

Оскар Пјастри изјави дека неговата победа на Големата награда на Азербејџан во Формула 1 била најдобрата во неговата кариера. 23-годишниот Австралиец го престигна Шарл Леклер во 20. круг на улиците на Баку и го задржа водството до крајот на трката.

“За мене тоа беше најдобриот успех во мојата кариера. Беше исклучително тешко и стресно. Тоа е веројатно најуспешното попладне во мојот живот”, изјави возачот на Мекларен по трката во Азербејџан.

Тој направи сметка за трките во Европа во изминатите неколку месеци: „Мислам дека добро се снајдов во европските трки оваа сезона и тие продолжуваат, но тоа не зависи само од мене“.