Полуфиналето меѓу Рибакина и Самсонова на турнирот во Монтреал е одложено поради дожд

Поради дожд е одложено второто полуфинале на тенискиот турнир во Монтреал (Канада) од серијата ВТА 1000 со награден фонд од 2.788.468 долари меѓу претставничката на Казахстан Елена Рибакина и Русинката Људмила Самсонова.

Претходно, Американката Џесика Пегула го исфрли светскиот рекет број еден, Полската Ига Швионтек за да се пласира во финалето кое ќе се игра подоцна денеска.

Рибакина и Самсонова треба да играат во раните попладневни часови по локално време, а само неколку часа подоцна еден од двајцата ќе се соочи со Пегула во пресметката за титулата во Монтреал.

Шампионката на Вимблдон од 2022 година во саботата околу 3 часот по полноќ го заврши својот четвртфинален натпревар со Дарија Касаткина, кој траеше речиси три и пол часа.

Људмила Самсонова поради дождот веќе имаше два меча во еден ден, бидејќи во петокот мораше да ја совлада прво Арина Сабаленка, а потоа и Белинда Бенчиќ за да се пласира во полуфиналето.

Русинката има две победи во претходните два меча против Елена Рибакина.