Поранешниот„вардарец“ Велко Маркоски повторно во дресот на Вардар

До крајот на сезонава Вардар добива засилување во Велко Маркоски, поранешен репрезентативец на Македонија кој својата кариера ја почна токму во Скопје во редовите на актуелниот македонски првак.

Договорот на Маркоски со Вардар е на најмалку половина сезона, со можност истата да биде продолжена. Со доаѓањето на Маркоски, тренерот Владо Недановски добива сериозна конкуренција за создавање на уште погранитна одбрана, бидејќи Маркоски важи за силен и цврст одбранбен играч.