Познати детали за несреќата на голманот на ПСЖ, ја скршил кичмата и доживеал мозочен удар

Голманот на Пари Сен Жермен, Серхио Рико е хоспитализиран во „тешка состојба“ по несреќата на јавање во Андалузија, објави во неделата францускиот прволигаш. „Тој е во тешка состојба“, изјави портпаролот на ПСЖ, без да наведе детали за околностите на несреќата.

Шпанскиот портал Relevo сега ги донесе шокантните детали: „Следните 48 часа се клучни и се сметаат за одлучувачки за да се процени неговата состојба“. Според нив, коњот на Рик се судрил со друг, побегнат коњ. Голманот и неговиот коњ паднале на земја, а едно од животните со копито го удрило Рико во главата. Рико потоа ги скрши пршлените на вратот и доживеа мозочен удар. Брзо пристигнала итната помош која со хеликоптер го пренела повредениот голман во болницата во Севиља.

Таму бил ставен на апарати за одржување во живот, како што објави телевизискиот канал Канал Сур. Во саботата вечерта во Стразбур, Рико беше на клупата на мечот на кој ПСЖ стана шампион на Франција, а во неделата наутро веќе беше во Андалусија, каде што ја доживеа оваа несреќа во близина на неговиот дом во Ел Росио, во провинцијата Хуелва. . Тој пристигна во ПСЖ во 2019 година од Севиља и одигра 24 натпревари за парискиот клуб.