Прв пораз на Вардар во Лигата на шампионите

Екипата на Вардар го претрпе првиот пораз во петтото коло во Лигата на Шампионите откако со 31:27 загуби од тимот на Келце.

Полскиот тим беше за нијанса подобар во уште еден одличен натпревар помеѓу овие два клуба.

Избраниците на Талант Душебаев имаа контрола на резултатот уште од првата минута и не ја испуштија предноста до самиот крај на средбата. Вардарци на неколку пати се доближуваа, но немаа сили за пресврт и победа.

Најефикасен на средбата беше поранешниот вардарец, Лука Циндриќ со осум погодоци, додека кај Вардар најдобар беше Сташ Скубе со шест погодоци.