Работнички броеше до „105“ против Пелистер

Во салата „Градски парк“ се одигра воведниот натпревар од четвртото коло во Првата кошаркарска лига. Работнички ја оправда фаворитската улога против Пелистер совладувајќи го со убедливи 105-49, пишува ТВ 24.

Квалитетот на паркетот пресуди уште во првите 10 минути. Работнички постигна 32 поени, наспорти 8-те коша на гостинот. Во вториот квартал, иако Пелистер покажа заби и одигра рамноправно, сепак високата предност која ја создаде тимот од Дебар Мало беше недостижа. Поведоа со 45-20 на паузата, а доминацијата ја продолжија и во вториот дел. Немилосрдно го го полнеа кошот на противникот, за на крајот да слават со преубедливи 56 поени разлика.

Работнички и по четири натпревари останува непоразен, и засега ја зеазема лидерската позиција на табелата. Билансот на Пелистер е три порази и само еден триумф.

В сабота, Гостивар го пречекува Шкупи и Охрид е домаќин на Кожув. В недела, Карпош Соколи ќе ги измери силите со Фени Индусти и Струмица ќе се сретне со Куманово, а четвртото коло ќе го затворат МЗТ Скопје и Блокотехна в четврток.