Работнички домаќин на Ф4 за кошаркари до 18 години

Кошаркарите на Работнички кои се натпреваруваат во возрасната категорија до 18 години ќе ја бранат шампионската титула освоена ланската сезона на домашен терен, откако претставниците на клубот се изборија за организација на завршниот турнир на лицитацијата одржана во просториите на Македонската кошаркарска федерација. 

На завршниот турнир, покрај организаторот Работнички, учество ќе земат и екипите на Феникс 2010, МЗТ Скопје Аеродром и Вардар (1).

Првиот полуфинален натпревар, помеѓу Работнички и Феникс 2010 ќе се одигра в петок (1 јуни) со почеток во 17 часот и 30 минути додека второто полуфинале, помеѓу МЗТ Скопје Аеродром и Вардар (1) ќе започне во 20 часот. 

Натпреварите за трофејот и за 3.место ќе се играат в недела (3 јуни).