РБ Лајпциг назначи наследник на Нагелсман

Американскиот стручњак Џеси Марш (47) е нов тренер на РБ Лајпциг.

Откако пред неколку дена беше потврдено дека Јулијан Нагелсман е нов тренер на Баерн Минхен, раководството на Лајпциг реагираше брзо и најде замена.

Тренерот на германската Бундеслига ќе го замени американскиот тренер Џеси Марш, сегашен тренер на австрискиот шампион Ред Бул Салцбург.

“Џеси Марш ќе стане наш нов тренер од сезоната 2021/2022 година. Тој ќе го преземе тимот од Јулијан Нагелсман, кој заминува за Баерн”, се вели во соопштението на германскиот клуб.

Jesse Marsch will become our new head coach from the 2021/22 season!

He takes over from Julian #Nagelsmann, who is joining #FCBayern.

?⚪ #RBLeipzig pic.twitter.com/KBqCv8hK4T

— RB Leipzig English (@RBLeipzig_EN) April 29, 2021

Извршниот директор на РБ Лајпциг, Оливер Минцлаф, го истакна неговото огромно задоволство од ангажирањето на 47-годишниот Американец како тренер.

“Со нетрпение очекуваме да работиме со Џеси Марш и понатамошен напредок и развој со него. Бевме во можност да го ангажираме човекот што го посакувавме и ја пополнивме позицијата тренер со врвен експерт”, рече Минтлаф.

Џеси Марш претходно работеше како помошник тренер во РБ Лајпциг. Тој ја помина сезоната 2018/2019 таму, а потоа замина во Салцбург, со кој е доминантен во Австрија и имаше добри настапи во Европа.

Покрај Салцбург, тој ги водеше Њујорк Ред Булс три години, Монтрал Импакт една година и беше помошник тренер во репрезентацијата на САД.