Роналдо го предупредува Лион: „Можеме да го промениме резултатот и да се квалификуваме“

Роналдо вели дека се лути на поразот во Лигата на шампионите, но верува дека „Старата дама“ може да собори сè во Италија…

Напаѓачот на Јувентус, Кристијано Роналдо изјави дека не се задоволни од поразот од 1:0 од Лион во Лигата на шампионите, но верува дека ’Старата дама’ би можела да го промени резултатот дома.

Јуве беше критикуван за играњето во Франција, откако не успеа да испрати ниту еден удар кон голот на Лион, а тоа на „Старата дама“ и се случи за прв пат во Европа од 2006 година.

За „Скај Спорт Италија“, Роналдо изјави дека верува дека работите можат да се променат, исто како и пред една година, откако во првиот предизвик загубија од Атлетико Мадрид.

„Овие работи можат да се случат, тоа е фудбал. Не сме задоволни од загубата, но тоа е нормално“, рече Роналдо.

„Натпреварите во Лигата на шампионите се тешки. Сите сме разочарани, но имаме и втор домашни натпревари и сепак веруваме.“

„Можеме да го промениме резултатот и да се квалификуваме, но приоритет сега е да го освоиме следниот натпревар, Лигата на шампионите ќе дојде подоцна“.

„Ние сме опуштени, фокусирани и подготвени за следниот меч против Интер“.