Сега пак Столе бил слабост на Темелковски

Директорот на Македонската Кошаркарска Федерација, Владимир Темелковски ја разбрани спортската јавност со кометарот кој го остави на својот Фејсбук профил, а беше наменет за капитенот на РК Вардар, Стојанче Стоилов, кој замина од манифестацијата „Спортист на годината“ на Агенцијата за млади и спорт, откако слушна како добитниците на наградите од училишта од Тетово и Чаир ѝ се обраќаат на публиката на албански јазик.

– Во спортот нема место за политика, расна и полова дискриминација или национализам, но очигледно некои спортисти го заборавиле најважното и светото спортско мото дека во спортот нема раса, религија или националност. Во спортот сите се еднакви, а победуваат најупорните и најпосветените, а за оние кои предвремено се откажуваат и презентираат омраза и нетолеранција, не им е место во спортот. Срамен и низок чин денеска од поранешен добитник на најсветата награда Спортист на годината и огромна навреда за сите присутни спортисти и добитници. Нека му е на чест наградата која што му ја поклони АМС минатата година, за која што гласаа и Македонци и Албанци и Роми и Власи и нека ја чува гордоста за на теренот. Со вакви ситни интриги и манипулации ќе собере само поени и внимание на кратки пратеки, напиша Темелковски на својот профил.

Сепак, следниот ден Темелковски се обиде да ја спушти топката со нов пост во кој напиша дека ракометот и Столе се негова слабост.

– Вчерашниот мој пост е мој личен став, а не став на Мкф или на партија. Ракометарите и Столе се моја слабост и пасија и се радував и ќе се радувам на секој нивен успех и тоа никогаш нема да се промени. Она што ми пречеше е фактот што спортот и спортистите мора да се над политиката и национализмот и за неа не треба да има место во спортот. Сметам дека вчерашниот настан негативно ја засени одличната организација на АМС, а особено ги засени добитниците и спортистот на годината Емил. Затоа и беше мојата реакција дека што и ние да чуствуваме и за што и да се залагаме лично и приватно не смее да ја засени спортската игра и спортските резултати и успеси и да направи раздор помеѓу спортистите. Криво ми е само што нашите ставови и реакции послужија за полнење на порталите наместо тоа место и приоритет да им припадне на Спортските добитници кој што целата година работат и се мачат за таа привилегија и успех, напиша Темелковски.