Семејството објави фотографии од Михаел Шумахер

Пред речиси четири години, легендарниот возач и шампион во Формула 1, Германецот Михаел Шумахер доживеа несреќа при скијање на француските Алпи.

Удирајќи со главата во камен предизвикал многу тешка повреда и внатрешно крварење во мозокот, поради што шампионот не се опоравил до ден денес.

Прецизни информации за неговата здравствена состојба нема.
Семејството се обидува да ја сочува неговата приватност, а преку социјалните мрежи повремено одржува контакт со неговите фанови, објавувајќи фотографии и потсетници на најзначајните моменти од неговата кариера.

Но, минатиот четврток објавена е фото галерија во која Шумахер позирал за еден магазин во каубојски шешир и кожна јакна, а која е снимена во пресрет на кобната несреќа.