Симовски го објави списокот на ракометарки за ЕХФ-неделата

Селекторот на женската сениорска репрезентација Симе Симовски го објави списокот за ЕХФ-неделата што ќе се одржи во периодот од 24 до 30 септември 2018 година.

Првиот собир ќе се одржи на 24 септември со почеток во 10:00 часот во спортската сала „Мајка Тереза“ во Скопје.

Во рамките на ЕХФ-неделата, македонската сениорска репрезентација, покрај тренинзите, ќе одигра и два пријателски натпревари против репрезентацијата на Италија.

Натпреварите ќе се одиграат на 27 и 28 септември во 16:00 часот во салата во Автокоманда, додека на 29 септември сениорската репрезентација ќе одигра уште еден натпревар против младинската репрезентација на Македонија во истиот термин.

Список на ракометарки за ЕХФ-неделата:

Матеја Серафимова, Драгана Петковска, Јована Саздовска, Марија Тасевска, Сара Ристовска, Марија Гајиќ, Марија Штериова, Теодора Керамичева, Марија Николиќ, Душица Ѓоргиевска, Леонида Гичевска, Елена Ѓорѓиевска, Дајана Јовановска, Ивана Гакидова, Моника Јаневска, Александра Боризовска, Елена Ливриниќ.