Сите се прашуваат кој е тој: Реал Мадрид носи играч кој не е стандарден ниту во третата лига

Реал Мадрид досега беше „тивок“ во зимскиот преоден рок, а нивното прво засилување ќе биде Жереми де Леон. Ако неговото име не ви звучи познато, вие сте во иста кожа како и милиони фанови на Реал. На социјалните мрежи сите се прашуваат кој е 19-годишниот Порториканец кој пристигнува во мадридскиот клуб, а одговорот воопшто не задоволи многу фанови на Реал. Станува збор за фудбалер на шпанскиот третолигаш Кастелон, но тоа не е најзагрижувачката информација за него.

⚪️🇵🇷 Real Madrid have sealed deal to sign Jeremy De Leon for Castilla team.

Deal valid until June 2026, De Leon only wanted to join Real Madrid despite two more bids from La Liga.

Medical booked — he will be first Puerto Rican player to join Real Madrid. pic.twitter.com/hKErRhJaup

— Fabrizio Romano (@FabrizioRomano) January 20, 2024

Тој игра на позицијата десно крило, но може да игра и лево, а навивачите на Реал останаа шокирани кога видоа дека тој не е  стандарден играч ниту во Кастелон. Одигра 14 натпревари, но со просечна минутажа од 32 минути. Иако сакаа да го доведат Виљареал и Валенсија, тој беше јасен и рече дека ќе потпише само за Реал, а тоа ќе го направи наскоро. Де Леон ќе биде прекомандуван во долгиот тим на Реал, популарната Кастиља, а доколку се докаже, може да се надева дека ќе стане само вториот Порториканец кој играл за мадридскиот клуб по Едуардо Ордонез кој играл пред речиси сто години, поточно во 1927 г.