Скок: „Македонците не се толку добри колку што ние бевме лоши“

Голманот Матевж Скок вчера беше можеби и најдобрата алка во репрезентацијата на Словенија, во текот на првото полувреме тој ги доведуваше до очај како македонските ракометари, така и сите оние кои со срце навива за Македонија.

Тој во стил на неговите соиграчи Јанц и Доленец, даде потценувачка изјава за македонската репрезентација.

Тешко е да се каже нешто, јас сум лут, тажен, понижен. Ми се чинеше како да не сакаме, не бевме, не најдовме решение да ги надминеме проблемите. Македонците не се толку добри колку што ние бевме лоши, Ја испупштивме од раце нашата шанса и сега ќе мораме да ја спасуваме кожата во другите натпревари – вели Скок по тесниот пораз од Македонија (24:25).