Ракомет
Скопје останува неосвоива тврдина, убедлива победа на ЖРК Вардар против Будуќност
ЖРК Вардар ја остварија и деветтата победа во исто толку одиграни натпревари во Лигата на шампионките.
Вардарки попладнево во Јане Сандански го совладаа црногорскиот тим Будуќност со 31-24.
Целата работа црвено-црните ја завршија уште во првиот дел кој го добија со 19-8, па второто полувреме беше само чиста рутина.
Андреа Пенезиќ со 9 постигнати гола беше најефикасна во редовите на македонскиот шампион, но и на натпреварот, додека Кузњецова и Цвијиќ постигнаа по 4 гола, а глманката Амандин Лејно средбата ја заврши со 15 одбрани.
Вардарки се убедливо први во групата со 16 бодови, пред тимот на Мец (8), кој е следниот противник на вардарки во мечот закажан за 25 февруари во Франција.