Фудбал
Славниот фудбалер ограбен на Олимписките игри во Париз, остана без 500.000 еврa!
![](https://sportm.mk/wp-content/uploads/2024/07/ziko.jpg)
Познатиот поранешен бразилски фудбалер Зико (71) помина низ вистинска драма во Париз откако синоќа беше ограбен таму, пренесува Le Parisien. Зико е во главниот град на Франција како член на делегацијата на неговата земја на Олимписките игри. Додека со такси излегувал од хотелот, Зико во чантата носел Ролекс, дијамантски ланче и пари во чанта.
🇫🇷🇧🇷 FLASH – L'ex-footballeur brésilien Zico, membre de la délégation des JO du Brésil, s’est fait voler une mallette au contenu total estimé à 500.000 euros à Paris. (Le Parisien) #JOParis2024 pic.twitter.com/g7h7gGvKkq
— Mediavenir (@Mediavenir) July 26, 2024
Разбојниците го надмудриле и него и возачот, па еден од нив успеал да му го одвлече вниманието на таксистот. За тоа време вториот зел торба од задното седиште, јавуваат француските медиуми.
Се проценува дека украдените предмети се во вредност од околу 500.000 евра. Веднаш била покрената истрага за лоцирање на разбојниците, а истрагата ја води француската бригада за борба против грабежот.