Солскјер го осигура останокот, сопствениците на Јунајтед го одврзуваат ќесето

Солсјкер ќе го „преживее“ јануари на клупата на Манчестер Јунајтед. По двете победи во дерби мечевите против Сити и Тотенхем, сопствениците на клубот се задоволни.

По 16 одиграни кола „Црвените ѓаволи“ се на петтото место на табелата, а позицијата која носи пласман во ЛШ им „бега“ четири бодови.

Следуваат засилувања. Според медиумите, во текот на јануари Манчестер Јунајтед ќе купува, а мети се Ерлинг Холанд од Салцбург и Саул од Атлетико Мадрид.

Младиот Норвежанец има откупна клаузула од околу 30 милиони евра, а за неговите услуги сериозно е заинтересиран Јувентус. Што се однесува до Саул, засега Атлетико Мадрид не покажува желба да се раздели со него.