Connect with us

Фудбал

Солзи во очите, да потраеше, Мурињо сигурно ќе плачеше, вака се прости од навивачите (ВИДЕО)

Жозе Мурињо повеќе не е тренер на Рома, откако вчера и официјално римската волчица соопшти дека му врачила отказ поради лошите резултати сезонава во Серија А. Ќе го наследи легендарниот фудбалер Даниеле де Роси.

Некои навивачи посакуваа ова да се случи, но има и такви кои му изразија почит на Мурињо за се она што го направил за Рома. Со овој тим има еден пехар, оној во Конференциската лига од сезоната 2021/22, што беше прв пехар воопшто за овој тим од 2006/07 кога го освоија пехарот во Купот, а потоа и Суперкупот на Италија.

Неколку навивачи се собраа вчера пред клубските простории да го испратат и поздрават. Го скандираа неговото име и му се заблагодаруваа. Се виде дека за Мурињо ова е емотивен момент, а замина со солзи во очите. Сигурно е дека ќе заплачеше доколку оваа ситуација потраеше некоја минута подолго.