ТЕТОВО: Поради судиска одлука, играчи и навивачи влегле на теренот за физички да се пресметаат

Вчера (9 април) во СВР Тетово пријавено е дека во текот на второто полувреме од првенствениот фудбалски натпревар помеѓу екипите на Вардар од Брвеница и Беса од Челопек, незадоволни од донесената судиска одлука, четириесетина резервни играчи и навивачи на Беса влегле на теренот и се обиделе физички да се пресметаат со судиите и делегатот на натпреварот.

Со интервенција на полициските службеници на СВР Тетово, тие биле спречени во намерата, но продолжиле да се однесуваат агресивно и неспортски, по што натпреварот е прекинат.

Се преземаат мерки за расчистување на случајот и за санкционирање на инволвираните.