Тимур Дибиров заминува од Вардар

Искусниот ракометар Тимур Дибиров (38) на крајот од оваа сезона ги напушта редовите на Вардар.

Дибиров во Вардар пристигна во 2013 година, а за деветте години поминати во тимот освои дури 21 трофеј.

Шест пати беше шампион на Македонија, шест пати Куп-победник, три пати Суперкуп на Македонија, четири пати СЕХА регионална лига, а шлаг на тортата се две европски титули, а освојувањето на Лигата на шампионите со Вардар се смета за една од најубавите.ракометни приказни.

“Ова е мојата последна сезона во дресот на Вардар. Мечот со Веспрем веројатно ми беше последен во Скопје во Лигата на шампионите. Би сакал да победам во Битола и да ја освојам титулата, па да се збогувам со Вардар како шампион”. – изјави Дибиров.

„Мислам дека е време за крај на планираниот период во клубот. Не дека не добив договор со клубот, но почувствував дека е време да го напуштам Вардар. Не знам ништо за мојата кариера, дали завршувам или продолжувам да играм во друг клуб. Ќе одлучам во следниот период“.