ТРАГЕДИЈА Голем шампион почина во Украина

Војната во Украина продолжува да привлекува огромно внимание ширум светот, а најновите вести поврзани со конфликтот, кој Русија го нарекува „специјална воена операција“, доаѓаат од сферата на спортот.

Имено, во војната животот го загуби еден од најдобрите кикбоксери што ги имала Украина, Максим Бордус.

Украинскиот шампион, роден 2000 година во Киев, се пријави како волонтер на 24 февруари 2022 година и прво се бореше со Русите во правец на Лиман, а потоа по негово лично барање се пресели во околината на Запорожје.

Тој беше убиен на 11 јуни, а денеска пошироката јавност дозна дека е убиен во актуелната офанзива во Запорожје.

Champion of #Ukraine in kickboxing Maxim Bordus died in a battle in the #Zaporizhzhia direction. pic.twitter.com/0WhEHUHh5C

— NEXTA (@nexta_tv) June 20, 2023

– Секогаш насмеан и подготвен да им помогне на другите, така ќе го паметат неговите пријатели од светот на спортот. Максим освои десетици турнири и беше актуелен WAKO кик-бокс шампион на Украина – според веб-страницата „Тим на Украина“.

Бордус е вториот познат украински кик-боксер кој е убиен, бидејќи во воените судири на 31 август загина и 40-годишниот Сергиј Подољан.