Тајмаут
Требаше да заврши во Манчестер Сити или Барселона, а сега со бремената сопруга се крие во бункери (ФОТО)
Хуманитарната драма во Украина расте откако Русија нема намера да ја запре инвазијата додека не се исполнат нејзините цели. Досега се раскажани неколку воени спортски приказни, но онаа на 19-годишниот Георги Судаков навистина привлекува внимание. Тренерот на Б тимот на украинскиот великан, Фернандо Валенте раскажа за драмата низ која поминува талентираниот фудбалер на Шахтјор од Доњецк.
„Судаков е најголемиот талент што сум го тренирал во животот, допрва треба да наполни 20 години, играше за А репрезентацијата, а неодамна го продолжи договорот до 2026 година.
Тој е фантастичен човек кој треба да стане татко на девојче заедно со неговата сопруга Лиза“, изјави Валенте.
И наместо да се радува што ќе стане татко, Судаков се крие во бункер со бремената сопруга откако се венчаа во февруари.
„Плачам и се молам за оваа двојка и сите млади играчи кои останаа во Украина и ме правеа среќен во последните две години. Срцето ми е скршено.
„Судак е играч со голем потенцијал, требаше да игра во Манчестер Сити или Барселона. На мојот мобилен телефон чувам фотографија од него и неговата сопруга кога беа среќни“.
Судаков ги мина сите младински селекции на Шахтјор, а оваа сезона забележа настапи и во Лигата на шампионите. Со одлични игри стана и редовен репрезентативец на Украина. Меѓутоа, неговите соништа се згаснале преку ноќ …
