Тудор доби отказ, дали нов тренер на Несторовски ќе биде Гатузо?

Се шпекулираше изминатите неколку денови дека Хрватот Игор Тудор ќе заработи отказ на клупата на Удинезе поради слабиде резултати. По десет одиграни кола Удинезе собра 10 бодови, има 3 победи, едно реми и шест порази.

Поради тоа, раководството го вклучи алармот, а „жртва“ секако е тренерот Угор Тудор кој на клупата на овој тим е од 2018 година. Денеска тој и официјално заработи отказ, а тоа го потврди самиот клуб преку својата интернет страница.

Кој ќе биде новиот тренер на македонсиот репрезентативец Илија Несторовски не е познато, но според италијанските медиуми најголеми шанси за оваа позиција има поранешниот фудбалер и тренер на Милан Џенаро Гатузо.

Италијанските медиуми пред неколку дена објавија дека раководството на Удинезе остварило првични контакти со Гатузо, а дали ќе се договорат останува да се види.

Привремето, до назначувањето на нов тренер, тимот ќе го води Лука Готи.