УЕФА ги одреди службените лица за натпреварот на Вардар во четврток против Реал Сосиедад во Сан Себастијан.

УЕФА ги одреди службените лица за натпреварот на Вардар во четврток против Реал Сосиедад во Сан Себастијан.

Главен судија на натпреварот ќе биде австрискиот арбитар 44-годишниот Роберт Шергенхофер. Негови помошници ќе бидат Маркус Гутчи и Роланд Ридел. Дополнителни асистенти Мануел Шуетенгрубер и Рене Ајзнер. Четврти судија ќе биде Андреас Витчниг.

Шергенхофер за прв пат ќе ја дели правдата на еден натпревар на Вардар, и воопшто на еден македонски тим во настапите во Европа, а суди на меѓународни натпревари од 2008 година. Овој судија до сега три пати има судено на македонскиот национален тим, и не носи среќа затоа што нашата селекција има забележано три порази. Тој судеше на натпреварите Шпанија – Македонија 4:0, Ерменија – Македонија 4:1 и пријателскиот натпревар Македонија – Камерун 0:2.

Натпреварот Реал Сосиедад – Вардар се игра во четврток (02.11.2017 година) во 21:05 часот по македонско време на стадионот „Аноета“ во Сан Себастијан.