Вардар е екипа со најголем скок на најновиот УЕФА ранкинг

Македонскиот фудбалски шампион Вардар забележа голем скок на клупскиот ранкинг на УЕФА објавен во текот на денешниот ден.

По завршувањето на групната фаза во Лигата на шампионите и Лига Европа, УЕФА ги пресмета новите позиции на клубовите во однос на нивните резултати, а Вардар е екипа со најголем напредок, дури 62 позиции. „Црвено-црните“ од 299 сега се на 237 место на УЕФА ранкингот и очекувано се најдобар македонски тим во ова друштво, пишува Дерби.

Шкендија е на 278, Работнички на 292 местo, а со оглед на својот настап во Европа во една последните пет сезони ранкинг имаат и Пелистер (364), Силекс (365), Ренова (366), Металург (367), Турново (369) и Тетекс (370), а вкупно се вклучени 442 екипи од цела Европа.