ВИДЕО: Рекордна, шеста „Златна копачка“ за Лионел Меси

На денешната специјална церемонија, суперѕвездата на Барселона, Лионел Меси го доби својата рекордна шеста „Златна копачка“, откако стана најдобар стрелец за сезоната 2018/19.

Аргентинецот ја заслужи наградата со своите 36 гола во последната кампања во Ла Лига. Неговите претходни пет вакви награди се за сезоните 2009/10, 2011/12, 2012/13, 2016/17 и 2017/18. Интересно е што церемонијата се совпадна со 15-годишнината од официјалното деби на Меси за Барселона. Неговата „Златна копачка“ му ја доделија неговите синови Тијаго и Матео.