Во Реал Мадрид постојано си велат „Не ја повторувај 2015 година“, а веќе речиси се` повторија

Карло Анчелоти по вторпат е на чело на Реал Мадрид и неговиот актуелен ангажман изгледа како карбонска копија на првиот. Но, тогаш крајот не беше добар. Реал остана со празни раце, а Барселона ја освои тројната круна. Тоа веќе не е можно бидејќи Каталонците испаднаа во Лига Европа, но Лос Меренгес го загубија дури и статусот на фаворит за освојување на Ла Лига.

Во канцелариите на Реал Мадрид постојано се слуша една фраза: „Не дозволувајте да се повтори она што се случи во 2015 година“, пренесува „Релево“. Засега, сепак, работите не одат добро и „лос бланкос“ дозволуваат токму она што се случи тогаш да се случи сега, а некои коинциденции се сосема запрепастувачки.

Реал Мадрид на Карло Анчелоти е актуелен европски клупски шампион и во тековната кампања и во сезоната 2014/15.

Летото си замина еден од најважните играчи од средниот ред – дефанзивниот играч за врска Касемиро. Чаби Алонсо заминува пред почетокот на сезоната 2014/15. Интересно, и двајцата играа на Сантијаго Бернабеу со #14.

И тогаш и сега, Реал го освои Суперкупот на УЕФА со 2-0. Првиот пат против Севиља, а оваа сезона против Ајнтрахт Франкфурт. Покрај тоа, Реал го доби првото Ел Класико во сезоната со 3-1, двата пати на Бернабеу. Најнепријатно за навивачите и сите во клубот е губењето на шпанскиот Суперкуп.