Вучиќ сака Србија да престане да ги финансира Звезда и Партизан: Ја рекетираат државата, колку повеќе пари, толку повеќе викаат Вучиќ е п**ер!

Српскиот претседател Александар Вучиќ упати остра порака до Црвена звезда и Партизан во која им порача да се приватизираат и да престанат да земаат пари од државата. Црвена звезда и Партизан секоја година добиваат огромни пари од државниот буџет, што воопшто не му се допаѓа на Вучиќ.

„Нашиот најголем проблем е што не можете да ги приватизирате клубовите, бидејќи никој нема да инвестира пари таму каде што главниот збор го имаат навивачите и раководството на клубот. Сите ние што сме нивни спонзори тоа е рекет што краде од државата. Сите сакаат да трошат државни пари овде. И колку повеќе давате, толку повеќе има „Вучиќ пе..ру““, рече Вучиќ во гостувањето на телевизија Хепи.

„Ќе биде здрав систем кога ќе имаме сопственици на приватни клубови. Погледнете ги Чукарички, ТСЦ и Мега. Тие не добиваат ништо од државата“, рече Вучиќ.