Зошто, зошто и зошто? Русите убија еден од најдобрите украински спортисти!

Трагичен ден не само за Украина, туку и за целиот свет на спортот.

Во руската инвазија на Украина загина уште еден спортист, а тој не е ниту виновен ниту должен. Неговото тело е пронајдено три дена по неговата смрт.

Денес Украина жали за Евген Звонок, еден од нејзините најдобри спортисти кој на најдобар можен начин ја претставуваше Украина на меѓународно ниво.

22-годишниот беше шампион на Украина во кик бокс и освојувач на сребрениот медал од Светското првенство, а пред него имаше светла иднина.

Не поминал низ воена обука, но кога започнала инвазијата, веднаш почнал да ја брани својата земја. Тој беше убиен во гранатирањето на регионот Чернихив.

Звонок загина на 3 март од воздушен напад, а за целата приказна да биде потажна, неговото тело беше пронајдено само три дена подоцна.

„Никој не очекуваше од него да земе оружје. Беше мирно и добро момче, талентиран спортист. Но, кога дојде време да ја брани државата, тој воопшто не се двоумеше“, рекол еден од неговите пријатели.

Звонок се подготвувал за националниот шампионат кога започнала инвазијата, но наместо во рингот завршил во војна и на крајот починал.

„Беше храбро момче кое никогаш не се повлекуваше, туку ги прифаќаше сите предизвици. Со него планиравме меѓународни натпревари, а сега тој е мртов“, изјави неговиот тренер Серхи Лисјук.

На денот кога беше убиен Звонок, Русите со бомбардирање убија уште 47 луѓе, а најмалку 18 беа повредени.