Халанд од пенал му донесе на Сити важна победа во трката со Арсенал

Во 27. коло од англиската Премиер лига, Манчестер Сити оствари уште една важна победа во трката за шампионската титула која ја води со Арсенал. Избраниците на Пеп Гвардиола победија со минимални 1:0 на гостувањето кај Кристал Палас, а решавачкиот гол во 78. минута од пенал го постигна Ерлинг Халанд.

По оваа победа, Сити повторно дојде на два бода од водечкиот Арсенал кој е со натпревар помалку, но го купи и потребниот мир пред реваншот од осминафиналето, каде следната недела на „Етихад“ ќе играат против РБ Лајпциг. На првиот натпревар во Германија беше 1:1, па на Сити му треба победа за да се пласира во следната фаза.