Алегри: Најдобриот натпревар на Влаховиќ од неговото доаѓање

Тренерот на Јувентус, Масимилијано Алегри го пофали целиот тим по победата од 1:0 на гости кај Интер.

Стрелец на решавачкиот гол беше Филип Костиќ во 23. минута.

„Целиот тим генерално се подобри. Добро се браневме тимски, не им дозволивме да поминат. За жал, воопшто го немавме Погба, Паредес беше добар на стартот, потоа почнав помалку да го користам, но сите беа сигурни играчи. Фаиоли има квалитет, Локатели е многу добар кога се затвора“, изјави Алегри и додаде:

„Мислам дека сега Душан Влаховиќ го одигра најдобриот натпревар откако дојде во Јувентус, а Костиќ многу се подобри во дефанзивата и во тајмингот. Изборот на последното додавање при нападот треба да го подобриме, но овој тим има срце и одлучност. Секогаш велам дека не им е лесно на оние кои не се во оваа ситуација. Ни беа земени 15 бода, не е лесно, но стигнавме до четврт-финалето на Лига Европа, полуфиналето на Купот на Италија и ја задржавме страста за тоа што го работиме“.

Жалбата за одземањето на 15 бодови ќе биде разгледана на 15 април, а Јуве моментално е седми на табелата со 41 бод.