Connect with us

Други спортови

Алкараз губеше со 5:2, но сепак стигна до полуфиналето

Шпанецот Карлос Алкараз е првиот полуфиналист на Мастерсот во Мадрид откако во два сета го совлада Карен Хачанов – 6:4, 7:5.

Русинот, моментално 12. на АТП листата, му пружи одличен отпор на вториот тенисер во светот, во вториот сет водеше со 4:1 и 5:2, сервираше за нерешено, но сепак, не ги издржа налетите на домашниот претставник кој го забележа третиот триумф во исто толку меѓусебни дуели.

Во седмиот гем од првиот сет, 19-годишниот Шпанец му го одзеде сервисот на Хачанов, во следниот спаси брејк топка и набрзо поведе со 1-0 користејќи ја третата сет-точка.

Бранителот на титулата во петок ќе го прослави својот 20-ти роденден, а на тој ден ривал во полуфиналето ќе му биде Данијел Алтмајер или Борна Чориќ.

Во преостанатите две четвртфиналиња се среќаваат Јан Ленард Штруф – Стефанос Циципас и Аслан Карачев – Жижен Жанг.