Анчелоти: Гвардиола не сфати дека му поклонија пенал

Тренерот на Реал Мадрид, Карло Анчелоти не го криеше задоволството откако се пласираше во полуфиналето на Лигата на шампионите, откако го исфрли Ливерпул.

„Игравме и добро го контролиравме натпреварот. Не се браневме во нискиот блок и се трудевме да бидеме силни и сигурни на топката. Имавме шанси и бевме цврсти позади. Ова беше натпреварот кој го посакувавме“, изјави Анчелоти.

На натпреварот особено се истакна средниот ред на кралскиот клуб.

„Притискањето ги чинеше. Модриќ и Крос сакаат вакви натпревари. Лесно ја изнесуваат топката од бековската линија“.

Новинарите ги интересираше што разговарал Италијанецот со Клоп пред натпреварот.

„Му кажав на Клоп дека пеналот за Сити против Лајпциг е луд. Им реков да внимаваат со тоа, бидејќи не е фудбал да се добиваат пенали така во Лигата на шампионите. Мислам дека никој не забележа, мислам дека дури ни Гвардиола не разбра дека пеналот е досуден во негова корист“.