Анчелоти: Мора да се истакне играта на Бензема

Реал Мадрид им приреди спектакл на присутните навивачи на „Сантијаго Бернабеу“. Избраниците на Карло Анчелоти победија со 6-0 против Ваљадолид, меч на кој се истакна Карим Бензема. Капитенот на „лос бланкос“ постигна три гола за седум минути! Родриго го отвори натпреварот во средината на првото полувреме. Потоа Бензема „шоу“.

Златната топка 2022 се „распали“ по голот на противникот. Брзи и убави акции на Реал, а фантастични завршници на францускиот напаѓач. Бензема станува првиот играч на Реал Мадрид кој постигнал најмалку 20 гола во 11 последователни сезони. Карим Бензема го израмни рекордот на Кристијано Роналдо бидејќи постигна хет-трик за 7 минути

Головите на Асенсио и Лукас дојдоа во вториот дел. Победа како во тенисот, па се Реал во средината на неделата со висок морал и добра форма влегува во реваншот од Купот на Кралот со Барселона. Ќе биде огнен месец за Реал на Карло Анчелоти, но го започнаа на најдобар начин.

Бензема по многуте критики се чини дека се опорави… Французинот, кој постигна хет-трик, се појави во одлична кондиција и тоа навестува добро за четврт-финалето на Лигата на шампионите и реваншот од полуфиналето на Купот.

Говорејќи по натпреварот, Анчелоти рече:

„Мора да се истакне играта на Бензема. Тоа покажува дека заврши одлична работа за време на паузата“. 

Рекорден стрелец под водство на Анчелоти сепак е поранешниот напаѓач на Милан, Филипо Инзаги, кој има 161 гол.

Тимот на Реал Мадрид е втор на табелата во Ла Лига, со 12 бода помалку од лидерот Барселона.