Челзи го контактираше Гаљардо

Челниците на Челзи вчера го назначија Френк Лампард за тренер до крајот на сезоната, но очигледно е дека не планираат тој да биде долгорочно решение на клупата на двократниот европски шампион.

По отказот на Греам Потер, како потенцијални тренери од почетокот на следната сезона се споменуваа Луис Енрике и Јулијан Нагелсман, кој неодамна доби отказ од Баерн.

Сепак, според британските медиуми, една од опциите кои се појавија е Марсело Гаљардо, аргентински стручњак.

Гаљардо ја водеше Ривер Плата од 2014 до 2022 година и ги освои сите можни трофеи, вклучувајќи го и Копа Либертадорес во 2018 година.

Аргентинецот добро ги знае можностите во Европа, бидејќи во текот на кариерата настапуваше за Монако и ПСЖ, а она што може да биде најголемата пречка за евентуален трансфер е неговото слабо познавање на англискиот јазик.