Детали за заминувањето на Меси од ПСЖ: „Се започна пред еден месец“

Утрово „L’Equipe“ објави дека Лионел Меси го напушта ПСЖ на крајот на сезоната по истекот на неговиот договор, а сега оваа информација ја потврди и Фабрицио Романо. Одлуката беше потврдена, а стручњакот за трансфери изнесе неколку важни детали во раскинувањето на соработката меѓу Меси и францускиот шампион. Таткото на Лео, Хорхе, пред еден месец му ја пренесе одлуката на ПСЖ поради целиот проект“, пишува Романо и додава:

„ПСЖ потоа го суспендираше Меси на две недели по неговото патување во Саудиска Арабија. Се чини дека врската заврши откако Меси реши да го напушти клубот пред еден месец“. После тоа Меси службено отпатува во Саудиска Арабија, а потоа настана проблем.

Меси е промотор на Саудиска Арабија, за тоа добива огромни пари и во таа земја отпатува само неколку часа по изненадувачкиот пораз од Лориен во последното коло. Наводно, тој ги очекувал вообичаените два дена одмор по натпреварот во недела, но клубот решил во понеделник да одржи тренинг на кој тој не бил присутен.

Поради ова, ПСЖ го суспендираше Меси на две недели без натпревари и без тренинзи, но и без плата за тој период. По неговото пристигнување во ПСЖ во 2021 година, Аргентинецот потпиша двегодишен договор со опција за продолжување на дополнителна сезона. Нема да се активира. По суспензијата, Меси има само уште три натпревари за Пари Сен Жермен, а потоа и одлука каде да ја продолжи кариерата.