Еден од најдобрите напаѓачи во Премиер лигата е суспендиран на осум месеци

Напаѓачот на премиерлигашот Брентфорд Иван Тони (27) е суспендиран на осум месеци поради кршење на правилата за обложување на Англиската фудбалска асоцијација. Од 25 февруари 2017 година до 23 јануари 2021 година, откриено е дека Тони се обложил 232 пати на фудбалски натпревари, што и самиот го признал. Покрај суспензијата, тој мора да плати и казна од 50.000 фунти.

Во март дебитираше за англиската репрезентација и беше еден од најдобрите напаѓачи во Премиер лигата. Моментално е трет во листата на стрелци со 20 постигнати голови. Сепак, тој нема да има шанса да го подобри тој учинок во последните две кола. Неговата суспензија трае до 17 јануари 2024 година, со тоа што по истекот на половина од суспензијата може да се приклучи на тренинзите со тимот.