„Футмеркато“: ПСЖ на лето го носи Халанд за 200 милиони евра

ПСЖ на лето ЌЕ се обиде да го донесе Ерлинг Халанд од Манчестер Сити, пишува доверливиот француски портал Footmercato. Парижаните на крајот од сезоната почнуваат да го реконструираат тимот од кој треба да си заминат Нејмар и Лионел Меси, а управата ќе се сврти кон најдобрите млади играчи од цела Европа. Footmercato тврди дека ПСЖ е многу заинтересиран за Халанд, кој наводно има клаузула за ослободување од 200 милиони евра.

„Халанд не е среќен во Сити. Стилот на игра на Гвардиола не му одговара, а ако ПСЖ навистина ја плати ослободителната клаузула, Сити нема избор“, изјави аналитичарот на RMC, Даниел Риоло, кој тврди дека доколку ПСЖ не го донесе Халанд, се сврти кон Виктор Осимхену од Наполи.

Футмеркато го истакна и проблемот со финансискиот фер-плеј (ФФП) доколку Халанд дојде во Паркот на принцовите. Сосема е јасно дека Норвежанецот би барал огромна плата, која заедно со онаа на Килијан Мбапе, кој заработува 70 милиони евра по сезона бруто, би биле огромен залак за ФФП на клубот.

Но, буџетот значително би се олеснил со заминувањето на Лионел Меси, кој е се поизвесен и Нејмар, кој ги разгледува своите опции. ПСЖ размислува и за доведување на искусниот Бернардо Силва, а доколку пропаднат трансферите на Халанд или Осимхен, следна цел е напаѓачот на Бенфика Гонкало Рамос.