Гатузо во јануари добива големо засилување?

Екипата на Милан планира да преземе сериозен чекор во преоден рок во јануари.

Според италијанските медиуми, желбата на Росонерите во јануари е играчот од средниот ред на Челзи, Цеск Фабрегас.

Шпанецот уште од почетокот на сезоната не е во плановите на Маурицио Сари, кој се уште му нема дадено шанса во Премиер Лигата, а со оглед дека неговиот договор истекува на крајот на сезоната, сосема е сигурно е дека во јануари ќе го напушти Челзи.

Наводно Милан планира да направи тандем од Фабрегас и Гонзало Игуаин а лидерите на клубот веруваат дека тоа ќе биде победничка формула во вториот дел од сезоната.