Connect with us

Фудбал

Голманот на Дортмунд Кобел на мета на Челзи и Јунајтед

Според германските медиуми, Челзи и Манчестер Јунајтед се заинтересирани за голманот на Борусија Дортмунд, Грегор Кобел.

Швајцарскиот репрезентативец оваа сезона брани извонреден за жолто-црните и го привлече вниманието на другите клубови. Како што се наведува, Челзи и Манчестер Јунајтед летово се обидуваат да ја зголемат конкуренцијата на голманската позиција.

„Одбраните на Кобел не останаа незабележани. Посебно го следат во Манчестер Јунајтед и Челзи. Дознавме дека пред натпреварот на Стемфорд Бриџ, луѓе од Челзи одржале состанок со претставникот на агенцијата која го претставува Кобел“, објави известувачот на Спорт1, Патрик Бергер.

Кобел поради повреда не бранеше на реваншот во Лондон.

25-годишниот голман има договор со Борусија до 2026 година, но нема откупна клаузула. Тоа значи дека богата понуда би го натерала Дортмунд во договор со Кобел да размисли и евентуално да го прифати трансферот.

Кобел професионалната кариера ја започна во Хофенхајм, а пред Дортмунд бранеше во Аугсбург и Штутгарт. Четири пати бранеше за репрезентацијата на Швајцарија.